a) de foar- en efternamme fan in persoan wurde mei in haadletter skreaun:

• Nynke
• De Boer
• P.J. Troelstra

b) ferhâldingswurden en lidwurden yn efternammen wurde mei in lytse letter skreaun wannear’t der in foarnamme, inisjaal of in oare efternamme oan foarôfgiet:

• Jan de Boer
• B. van der Velde
• frou De Boer-van der Velde

c) yn rinnende tekst wurde oansprekfoarmen of titels foar in namme mei in lytse letter skreaun; ynternasjonale universitêre titels efter in namme wurde mei haadletters skreaun:

• de hear Stienstra
• professor Visser
• ds. J.J.A. Bylsma
• mr. dr. B.J. de Groot
• T.J. de Vries BSc
• W. Schotanus MA

c) in ôflieding fan in persoansnamme wurdt mei in lytse letter skreaun:

• freudiaansk
• menist

d) in gearsetting mei in persoansnamme hâldt de haadletter:

• de Gysbert Japicxpriis
• in Philipstelefyzje
• in Beatlesplaat

Mar as it ferbân mei de persoan losser wurdt, ferliest de gearsetting syn haadletter:

• beatlehier (hier lykas dat fan The Beatles, mar droegen troch immen oars)

f) in gearsetting mei de namme fan in útfiner of ûntdekker wurdt ek mei in lytse letter skreaun:

• alzheimerpasjint
• diselmotor
• fröbelskoalle

Mar as de namme los brûkt wurdt om eksplisyt nei de útfiner of ûntdekker te ferwizen, bliuwt de haadletter behâlden:

• de sykte fan Alzheimer
• it syndroom fan Down