a) om by it oansprekken bysûnder respekt te toanen wurde haadletters brûkt:

• Eksellinsje
• Har Keninklike Heechheid
• Syn Majesteit

Opmerking: by it oansprekken fan immen yn in brief en yn titels of funksjebeneamingen wurde lytse letters brûkt:

• Oan de rju eale frou Dykstra
• Achte lêzer
• De minister-presidint
• prof. dr. G.R. Dingemans
• prinses Amalia
• paus Franciscus

b) nammen fan goaden en hillige persoanen, hillige begripen en foarnamwurden dy’t nei goaden ferwize, wurde mei in haadletter skreaun:

• Kristus
• Trije-ienheid
• Jo Keninkryk
• Sint-Marten
• Boeddha

c) gearsettingen mei as earste lid de namme fan in god of hillich persoan hâlde de haadletter:

• Maria-alter
• Boeddhabyld

Opmerking: as it ferbân mei de namme fan in god of hillige losser wurdt, ferliest de gearsetting syn haadletter:

• sint-martenrinne
• sint-bernardhûn

d) ôfliedingen op basis fan de namme fan in god of hillige wurde mei in lytse letter skreaun:

• messiaansk
• kristlik
• boeddhistysk