17.3.2 Opmerkingen oangeande it brûken fan haadletters

a) inisjaalwurden en letterwurden út oare talen hâlde harren stavering salang’t se as frjemdtalich oanfield wurde:

  • ADSL - asymmetric digital subscriber line
  • BSE - bovine spongiform encephalopathy
  • RAM - random access memory
  • RSI - repetitive strain injury

b) yn oare talen ynboargere inisjaalwurden en letterwurden hawwe faak gjin haadletters mear en wurde yn it Frysk ek sûnder haadletters skreaun:

  • pc - personal computer
  • aids - acquired immune deficiency syndrome
  • havo - hoger algemeen voortgezet onderwijs
  • lat - living apart together
  • soa - seksueel overdraagbare aandoening
  • vip - very important person

c) inisjaalwurden en letterwurden dy’t wetten, besluten of oerheidsplannen oantsjutte, wurde mei haadletters skreaun, ek as se yn útskreaune foarm mei lytse letters skreaun wurde:

  • KB - keninklik beslút
  • VUT - vervroegde uittreding uit dienstverband

Opmerking: de skriuwwize wurdt brûkt dy’t in nammejouwer sels keazen hat, ek as dy fan de regel ôfwykt:

  • Wajong - Wet arbeidsongeschiktheidsvoorziening jonggehandicapten