18.3 Algemiene opmerkingen en advizen

a) by it ôfbrekken ferfalt in eventueel dielteken of apostrof, ferliest in ú yn in iepen wurdlid it skerpteken en wurdt in dûbelde aa of oo yn in iepen wurdlid ûntdûbele:

  • klaaiïng > klaai-ing
  • pdf’en > pdf-en
  • revolúsjonêr > revolu-sjonêr
  • jookje > jo-kje

mar dat jildt net foar in ‑ch:

  • goochem > goo-chem
  • húchelje > hú-chelje

b) kombinaasjes fan ferskillende bylûdtekens dy’t ien gehiel foarmje, lykas ch en yn frjemde wurden ck of sh, wurde net ôfbrutsen:

  • cas-hewnút > ca-shewnút
  • hardroc-ker > hardro-cker
  • kac-hel > ka-chel

c) der wurdt net ôfbrutsen by in wurdlid dat út ien lûdteken bestiet. Sa’n lûdteken bliuwt by it wurd(diel) dêr’t it oarspronklik by heart:

  • a-seksueel > aseksueel
  • bi-ology > bio-logy
  • boargeri-nisjatyf > boarger-inisjatyf of boargerini-sjatyf
  • flaai-e > flaaie
  • heroi-ke > hero-ike
  • maacho-peraasje > maach-operaasje of maachope-raasje
  • ne-ogotyk > neo-gotyk
  • te-oryles > teo-ryles

d) brek lêsber ôf:

  • bommel-ding > bom-melding
  • groepseks-kurzje > groeps-ekskurzje