De genityf-s wurdt meastentiids fêst oan it haadwurd skreaun:

a) haadwurden dy’t einigje op in bylûd:

• Sjoerds fyts
• mems skelk
• Fryslâns ferline
• myn broers winkel

Opmerking: by wurden dy’t einigje op in s, x of z en dy’t mei in /s/ útsprutsen wurde, wurdt yn stee fan in genityf-s allinnich in apostrof skreaun:

• Klaas’ bern
• Marx’ teory
• Marquez’ roman

b) haadwurden dy’t einigje op in lûd:

• Bonnes hûs
• Tinys frijer
• Disneys film
• Perûs bergen
• Grous haven

Opmerking: by wurden dy’t einigje op in a, o of u wurdt foar de genityf-s in apostrof set:

• Amearika’s wapenyndustry
• farao’s stêf
• Lu’s koekjes

Opmerking: dy apostrof wurdt net brûkt as de genityffoarm it earste part fan in gearsetting is; dan wurdt de a of o ferdûbele:

• kaaseach
• koosgers
• widdoosklean

c) inisjaalwurden, ôfkoartingen, losse letters en sifers:

• mp’s taspraak
• Willem K.’s proses
• persoan z’s taak
• 007’s misje

Opmerking: by wurden dy’t einigje op in s, x of z en dy’t mei in /s/ útsprutsen wurde, wurdt yn stee fan in genityf-s allinnich in apostrof skreaun:

• persoan s’ taak
• mister X’ riedsel